Ассоциация тарихы

Ұлы Лао Цзыдың "Мың шақырымдық сапар алғашқы қадамнан басталады" деген ұлағатты сөзі Мемлекет басшысының тәуелсіздігімізге қол жеткізгеннен кейін 1993 жылы Халықаралық "Болашақ" стипендиясын құру туралы шешімін сипаттауға әбден лайық. «Болашақ» стипендиясы бәсекелестікке қабілетті ұлтты қалыптастыруға бағытталған ең маңызды  жобалардың бiрiне айналды. 

2001 жылға  қарай барлық стипендия түлектерін топтастыратын және олардың мәселелерін шешетін, әр түрлі қоғамдық институттарда олардың мүдделерін ұсынатын, сонымен бірге болашақтықтардың күш-жігерін маңызды қоғамдық мәселелерді талқылауға және шешуге бағыттайтын ұйымды құру қажеттiлiгі туындады. Сайып келгенде, әкімшілік ғылымдардың немістің жоғарғы мектебінің түлегі (осы уақытта-Қазақстан Республикасының Премьер-министр кеңесінің жетекшісі) Әбдірақымов Ғабидолланың басшылығымен және стипендиаттардың ынталы тобының күштерiмен 2001 жылдың 31 наурызында «Қазақстан Республикасының Президентінің Халықаралық стипендия түлектерінің Қауымдастығы» атты қоғамдық ұйым құрылды.Ұйым болашақтықтардың мүдделері мен құқықтарын қорғап, оларды біртұтас қанаттың астына топтастырып және нығайтуды өз жауапкершiлiгiне алды. «Қазақстан-2030» стратегиясын iске асыру, мамандардың сабақтастығын қамтамасыз ету, бұрынғы дәстүрлерді сақтай отырып жасампаздық пен жаңашылдыққа жол ашу - ұйым жұмысның негізгі қағидалары болып табылады. 

Азаматтық қоғам мәдениетi әлi қалыптаспаға стипендиаттардың саны жүзге жетпегенде, қауымдастықтың алғашқы жылдары ұйымның қызметi болашақтықтардың идеялық бірлесуіне, жалпы ұйымның институттық қалыптасуына бағытталған еді. 

2003 жыл «Хабар», «Ел арна» Республикалық телеарналарында «Болашақ-келешектің білімі» атты бағдарламалар топтамасы көрсетілген болатын. Жоба қазақстандық жастарға халықаралық бiлiм алу мүмкiндiктерi туралы және Қазақстан үшін потенциалдық басқару элитасының қалыптасуына бағытталған еді.

2004 жыл «Болашақ» бағдарламасының 10 жылдығына арналған ««Болашақ» стипендиясына-10 жыл» атты түлектер мен стипендиаттар туралы кiтап жарық көрді.

2005 жыл 15 желтоқсанда Қазақстан Республикасының Президентінің халықаралық «Болашақ»стипендия иегерлерінің Бiрiншi конгрессі өттi.

2006 жыл 30 қыркүйекте Президент стипендиясының жаңадан бітіріп келген түлектерін жұмысқа орналастыруда, кәсіби қызметтің саласын таңдауда, сонымен бірге «Болашақ» стипендиясын алу үшін байқауға қатысуға талапкерлерді тартуға көмек көрсету үшін бағытталған «Болашақ- мемлекетті дамытуға біздің қосқан үлесіміз» атты жоба жүзеге асты. 

Қауымдастық Тәуелсіздік күніне орай 15 желтоқсанда «Қазақстандық жол- тәуелсіздікке 15 жыл» атты жалпы республикалық студенттер акциясын өткізді.

2008 жылдың 30 қаңтарында Қазақстан Республикасының Президенті Нұрсұлтан Назарбаевтың қатысуымен «Болашақ» стипендиясының стипендиаттарының II форумы өттi. Бұл елеулі оқиғалар стипендияның өмiрiне өзгерістер енгізді. Президент болашақтықтардың алдында сөз сөйлеп,  «Болашақ» стипендиясының сапалы кеңеюіне және қауымдастықтың қызметіне көптеген ұсыныстар белгілеп берді. Осылай, қауымдастықтың алдына мынадай тапсырмалар белгіленді: стипендиаттарды таңдауда бақылау жасау, бағдарламаның тәрбиеленушiлерiнiң зияткерлiк және ұйымдастыру күш-жігерлерін топтастыру, әртүрлі ойлармен алмасу үшін веб-портал құру, көкейкестi сұрақтар төңірегінде кең пікірталастар ұйымдастыру, стипендиаттардың үстiнен жетекшілік ету, түлектерді жұмысқа орналастыру, қазақстандық жастарға болашақтықтардың білімін оқытып үйрету. 

Сол жылы бағдарлама түлектері қатарынан Сарапшылық Кеңес құрылған. Ол болшақтықтарды маңызды мемлекеттiк мәселелерді талқылап және оны шешетін жолдарды қарастырып жұмыс істеуге мүмкіндік берді,оның ішінде «Зияткерлік ұлт-2020» жалпы ұлттық жоба да бар. 

Стипендияның 15 жылдығына орай «Болашақ-15 жыл» атты фотокiтабы жарыққа шықты – бұл кітапта оның түлектері шетелдегі білім жайында әңгімелейді, Қазақстанның болашағы жайлы ой-пікірлерімен бөліседі.

Сол кезде Қауымдастық «Бәсекеге қабілетті 50 елдің қатарына Қазақстанның кіруі: қазақстандықтардың қатынасы» деген тақырыппен зерттеу жүргізді. 

2008 жылдың 15 қарашасында ашық дауыс беру арқылы Кеңестiң Төрағасы сайланды. Оған 1994-1998 жылдарда Федеративті Германия республикасында «Болашақ» бағдарламасының стипендиаты болған Бауыржан Байбек сайланды.

6 желтоқсанда жалпы жиналыстың шешімімен Қауымдастықтың жарғысы қабылданды. Ұйымның атауына өзгерiстер енгiзiлдi: «түлек» сөзі «стипендиат» болып алмастырылды. Ендi қоғамдық бiрлестiктiң мүшелерi жарғыға сәйкес бiтiрушiлер ғана емес, керісінше «Болашақ» бағдарламасының стипендиатары, сонымен бірге Қауымдастықтың мақсаттары мен міндеттерін орындауда өз үлестерін қосқан Қазақстан Республикасының азаматтары бола алады. Бұдан басқа, Қауымдастықта бiрлескен басқару қағидасы енгiзiлген: 16 мүшесі бар Кеңес және оған бағынышты Атқарушы хатшылығы құрылған.

«Болашақ» Қауымдастығы қоғамдық қайырымдылыққа көп көңіл бөлуге шақырады.

2008 жылдың маусым айынан бастап қарамағында екі жүз балалары бар Аккөлдегі №1 балалар үйін өз қамқорлығына алды. Сол кезден бастап болашақтықтар оның тәрбиеленушiлерiнiң зияткерлiк және шығармашылық дамуына бағытталған әр түрлi қайырымдылық шаралар өткізіп отырады. Осылай, қауымдастық мүшелерi жыл сайын балалар үйінің тәрбиеленушілерін жаңа жыл мерекесі, балаларды қорғау күнімен құттықтап отырады, жетім балалардың жеке дара мәдениеті, әлеуметтік бейімделуді, кәсіптік бағдарды жоғарылату мақсатында білімділік шеберлік-класстары өткізіледі. 

«Шетелдегі білім-2008» білім беру көрмесі өткізілді.

Қауымдастық мүшелерi бiлiмдердi трансферттеуге бағытталған жобаларға басшылық жасап белсене қатысады: «Болашақ- сапалы білім үшін», «Кітапхананы кітаптармен қуатта» атты жобалар iске асырылды.

Қауымдастық сол жылы «Жастар саясатының дамуын елдегі және шетелдегі жастардың қатысумен жетілдіру» жобасының аясында «Қазақстан- береке мен бейбітшілік аймағы» атты дөңгелек үстелдер топтамасын өткізді.

2009 жыл Қауымдастық Абхазия, Әзiрбайжан, Армения, Белоруссия, Қазақстан, Қырғызстан, Молдова, Приднестровье, Украина, Оңтүстiк Осетиядан келген делегацияларымен қатар «Ұлан-2020» бүкіл ресейлік білім беру лагеріне қатысты.

«Жастар-Отанға» республикалық бағдарламасын іске асыру аясында «Болашақ» қауымдастығының өкілдері мен «Жас Отан»Жастар қанатының «Жастардың кадрлар қоры» жобасының тыңдаушылары арасында кездесулер өтті.Кездесуде мемлекеттiк қызмет және экономика құрылымдарындағы жаңадан көрiнген жетекшiлерді әзiрлеу және жаңа формацияның басқарма мүшелерiнiң алға басуын қолдау үшiн бiртұтас пiкiрталас алаңды жасау туралы сұрақтар көтерiлдi.

Қыркүйекте «Болашақ» стипендиясы түлектерінің ғылыми аптасы» атты жоба іске қосылды.Осы апталық аясында болшақтықтар қазақстандық ЖОО орындарда дәріс және семинарлық оқулар өткізе бастады.

2009 жылдың көктемінде www.bolashak.kz сайтының ребрэндингi жасалған. Порталдың басты модулдары болып елдегі және әлемдегi көкейкестi оқиғаларды қамтитын хабарлар желісі болды, жастар, қоғам, экономика мен саясат мәселелері бойынша жазылған болашақтықтардың мақалалары,берілген тақырыптар бойынша интерактивті пікірталас жүргізуге мүмкіндігі бар Қауымдастық мүшелерінің блоктары.

Күзде Қауымдастық мүшелерi мемлекет саясатын түсіндіру, жастарды толғандырып жүрген мәселелер туралы ақпараттар жинау мақсатында еліміздің әртүрлі аумағында жастармен кездесулер өткізді. Қостанай, Қызылорда, Павлодар, Талдықорған, Петропавл, Көкшетау, Өскемен, Ақтөбе, Ақтау, Атырау және Орал қалаларында дөңгелек үстелдер, дәрістер мен әңгімелер жүргiзiлдi. Кездесулер өз халқына,отанына қызмет етуге,абырой, адалдық, бекзаттыққа негізделген бiлiмдер мен тәжірибенінің берiлуiне, бiлiмдердiң трансфертi, адамгершiлiк капитал және зияткерлiк ұлттың дамуына бағытталды. Сонымен, бiрге жолдауды насихаттауға, Қазақстан Республикасының үкiметiнiң дағдарысқа қарсы шараларының түсiнiктемесi бойынша кең ақпараттық науқан дәрiстердiң арқасында өткiзiлген. Шарада 18 600-ден астам адамдар ат салысты. Қауымдастықты өлкелерде «Болашақтың» түлектері көрсеттi: Қанат Сәрсембаев, Шухрат Садыров,Бақыт Есiмова, Бауыржан Байбек, Дәурен Төлеуханов, Болат Берсебаев, Ерлан Әукенов және тағы басқалар.

Қауымдастық сол жылы «International Education 2009» Халықаралық бiлiм беру көрмесінiң ұйымдастырушы болды. Бұдан басқа, қауымдастықтың өкiлдерi Ресей Федерациясының Новосiбiр қаласында 9-12 қыркүйек аралығында «Интерра-2009» Сiбiрде Халықаралық жастар инновациялық форумында сарапшылар ретінде қатысты. 24-25 қыркүйекте Кишиневте өткен ТМД мемлекет- қатысушыларының шығармашылық және ғылым зиялыларының Халықаралық форумы өтті. Онда алдағы жылы болатын ТМД – дағы инновация мен ғылым жылының бағдарламасы талқыланды.

Қауымдастық пен стипендиаттар арасындағы керi байланысты сүйемелдеу бойынша белсендi жұмыс жүргiзілдi. Стипендиалды бағдарламаның түлектері мен Қауымдастық мүшелерінің біртұтас автоматты базасы интеграцияланған www.bolashak.kz порталы құрылып,онда стипендия түлектерінің еңбекке араласуының мониторингі жасалып талдау жүргізілген.

2009 жылдың қараша айында дағдарысқа қарсы және тұрақтану шараларын жүзеге асыру кезінде«Болашақ» түлектерін тиімді жұмысқа орналастыру мақсатында «Болашақ» бағдарламасының түлектерін жұмысқа орналастыру бойынша «Болашақ» түлегі-2009 потенциалды іске асыру» форумы болып өтті. Онда 500-ден астам «Болашақ» халықаралық стипендия стипендиаттары мен түлектері, 80-нен астам жұмыс берушілер қатысып, 1500 түйіндеме қабылданды. Форумның бірінші айының қорытындылары бойынша шараға қатысқан түлектердің 25% жұмысқа орналастырылған.

Сол жылы түлектер, стипендиаттарға қолдау көрсету ,сонымен бiрге «Болашақ» стипендиясына қатысты әр түрлi сұрақтар бойынша талапкерлерге көмек көрсету мақсатында үнемі жұмыс істейтін Call-center құрылды. Сайып келгенде, үш жүзден астам жас өрендер оларды қызықтыратын сұрақтарға жауаптар мен ақыл-кеңестер алды. Орталық қазіргі уақытта да өз жұмысын жалғастыруда, Сіз Астана қаласындағы мына телефон бойынша 707-669 қоңырау шалып сұрақтарыңызды қоюыңызға болады.

Елдің жастар саясатының дамуына қосқан үлесі үшін «Ең үздік жастар ұйымы» ретінде берілген «Жастар» Республикалық сыйақысы Қауымдастық жұмысының қорытындысы болды.

Сонымен бiрге, Қауымдастық қатарына стипендия иегерлері ғана емес, елдің дамуына үлесін қосып келе жатқан барлық дарынды, отансүйгіш жас өрендерді де тарту жұмыстары жандандырылды.

2010 жыл 11 наурызда «Мен көрген әлем- мен жасайтын өмір» атты балалар үйінің тәрбиеленушілерінің бейнелеу өнерiнiң шығармаларының бәсеке сауда-көрмесi өтті. Жиыны 70 шақты туынды көрмеге қойылды. Көрме және бәсеке сауданың қорытындылары бойынша түскен қаржылар балалар үйiнің әрбiр баласының өз қолдарына табысталды. Қауымдастық кейiннен елордадағы қайырымдылық шараларының белсендi қатысушы болды. 

Осылай, бiздер 12 тамызда өте қатты ауыратын қыз балаға қымбат бағалы ота жасау үшін қаражат жинау мақсатында Бейбітшілік пен Келісім сарайында өткен «Өмір үшін» атты қайырымдылық концерттінің өтуіне ақпараттық қолдау көрсеттік.

13 наурызда «Болашақ» ҚР Президентінің Халықаралық стипендия стипендиаттар Қауымдастығы физика-математика бағытымен оқытатын ҚР Бірінші Президентінің Зияткерлік мектебінде халықаралық гроссмейстер, шахматтан жастар арасындағы әлем чемпионы Дәрмен Сәдуақасовтың қатысуымен балғын шахматшылар үшін бір уақытты ойын сеансын өткізді.

Сонымен бірге осы жылы «Болашақ» Қауымдастығы «Жас Отан» ЖҚ, Қазақстан Республикасының білім және ғылым Министрлігімен бірлесіп «Жастардың кадрлар резерві» (ЖКР) жобасын іске асырды. ЖКР- бұл кәсіби дағдылары мен басқару құзыреттігі жоғары деңгейде дамыған, жұмыс бабында өсуге негізделген мамандардың республикалық деректер қоры. Жобаның мақсаты - мемлекеттiк басқару жүйесіне, кәсiпкерлiк, саяси сала үшiн кадрлық қорлардың қалыптастыру үрдісінің iске асуы

Қауымдастық қызметiнiң негiзгi бағыттарының бiрi – білімдердің трансферті мен Қазақстанда зияткерлік ұлтты қалыптастыру үшін мүмкіндіктерді жасау-болып саналатын бағыт шеңберінде 12 қазан-25 қараша аралығында «Болашақ – жастар үшін» республикалық жобасы іске асырылды. Ол индустриалды - инновациялық дамыту мен оны іске асыру тетіктері тақырыптары бойынша семинарлар топтамасы болды. Семинарлар Қазақстанның алты қаласын қамтыды: Алматы, Шымкент, Өскемен, Орал, Көкшетау және Астана.

6 желтоқсанда Алматыда және 10 желтоқсанда Астанада «Болашақ-2010 күш-жігерді іске асыру» түлектердің үшінші форумы өтті. Онда орталық мемлекеттік органдар басшылары,жылдамдатылған индустриалды - инновациялық дамыту бағдарламасының iске асыруына жетекшiлiк ететiн облыс әкiмдерiнiң орынбасарлары, ұлттық және жеке компаниялардың жетекшілері және 500-ден астам болашақтықтар жиналды. 

«Болашақ» бағдарламасы елдің кадрлар қорын қалыптастыра отырып «қазақстандық жолды» теңестiретiн негізгі факторларының бiрi болды. Бағдарламаның тәрбиеленушiлерi мемлекеттiң және қоғамның тiршiлiк әрекетiнің барлық үрдістеріне белсене енгiзiлдi. Келешек бiтiрушiлердiң күш-жігері, қуаты, өміршендігі және өнер-бiлiмi шашырамай Қазақстанның дамуына бағыттау барлығымыз үшін өте маңызды. Қазақстан Республикасының Президентінің «Болашақ» Халықаралық стипендиясының стипендиаттар қауымдастығы сол үшін барлық күшін салады!

Жалғасы бар…

Қауымдастықтың тарихына, елдiң тарихына өз үлесіңді сен де енгіз!