ОРАЛ. Маусымның 8-і. ҚазАқпарат /Елжан Ералы/ - Қаратөбе ауданындағы «Керім-ай» би ансамблі Оңтүстік Қазақстан облысы Арыс қаласында өткен республикалық «Балдәурен-2010» байқауынан бас жүлдемен оралды, деп хабарлайды ҚазАқпарат тілшісі.

Ауылға жеңіспен оралған балғын бишілер мен олардың жетекшісі Қарлығаш Қадырбекқызын аудан әкімі Арман Өтеғұлов қабылдап, сыйлықтар тапсырып, құрмет көрсетті.

Аудан басшысы оларға алдағы уақытта да табыс тілеп, таяуда жаңадан салынған мектеп-гимназияның ашылатынын, онда барлық жағдайдың жасалатынын жеткізді. Қ.Қадырбекқызының сөзіне қарағанда, республикалық байқауда қаратөбелік жас бишілер киім киісі, билеу мәнерімен және әдемілігімен ерекшелене білген.