АЛМАТЫ. Маусымның 8-і. ҚазАқпарат /Ерлік Ержанұлы/ - Қытайдың Джинджанг қаласында өтіп жатқан клубтық Азия чемпионатында ел намысын қорғап жатқан "Алматы" волейбол клубының жігіттері бүгін кезекті жеңісіне қол жеткізді,
деп хабрлайды ҚазАқпарат.

Ұлттық лига командалары арасында XVIII Қазақстан чемпионатының жеңімпазы алматылық волейболшылардың бұл үшінші ойыны. Олар маусымының 5-і күні алғашқы ойында жапондықтардан 0:3 есебімен ойсырай ұтылған болатын. Жексенбі күні вьетнамдықтардан 3:1 есебімен басым түсті. Кеше бір күн тынығып, бүгін жарысты қайта жалғастырған олар үшінші кездесуде индонезиялықтарды 3:0 есебімен ойсырата жеңді. Келесі ойын ертең Қытай волейболшылармен өтеді. Аспан асты елінің спортшылары бұған дейін алғашқы ойында Индонезия волейболшыларын 3:0 есебімен тізе бүктірген болатын.