«Қазақстан Республикасы Президентінің «Болашақ» Халықаралық стипендиясы стипендиаттарының Қауымдастығы» қоғамдық бірлестігі Қазақстан Республикасы Президентінің 5.11.1993 жылғы №1394 қаулысымен құрылған "Болашақ" халықаралық стипендиясы бойынша оқып келген азаматтарды біріктіретін ұйым. Қазақстан Республикасы Президентінің «Болашақ» Халықаралық стипендиясының түлектері - Қазақстан Республикасының азаматтарын ерікті негізде біріктіретін коммерциялық емес ұйым болып табылады.

Ұйымның негізгі мақсаты - түлектерді қоғамдық өмірде жұмылдыру мен белсенділігін арттыру, түлектердің күш-жігерін, олардың өміріндегі, тәжірибелік қызметінде кездесетін мәселелердің тиімді шешімдерін іздестіру үшін ұжымдық тәжірибені ықпалдастыру болып табылады.

Қауымдастықтың негізгі міндеттері мен оның қызметінің мақсаты:
- Әлеуметтік-экономикалық мәселелерді шешу үшін түлектердің күш-жігерін, зияткерлігін, шығармашылығын және іскерлік әлеуетін біріктіру. Қазақстан Республикасының экономикалық, әлуметтік және саяси прогресіне мүмкіндік беретін жасампаздық іс-шараларды өткізу;
- түлектердің кәсіби мамандықтарын көтеру, әлеуметтік-экономикалық және басқару қызметінің жаңа түрлері мен тәсілдерін, алдыңғы қатарлы отандық және шетелдік тәжірибені игеру;
- түлектердің өзара қолдауларын дамытуға, соның ішінде олардың құқықтары мен мүдделерін қорғауға да бағытталған шараларды өткізу, әр түрлі жәрдем, соның ішінде материалдық көмектерді де көрсету;
- заңда бекітілген тәртіпте ғылыми, білім беру, ақпараттық және насихаттық материалдарды, соның ішінде мерзімдік басылымдарды шығару мен тарату, іскерлік ұсыныстар банкін құру;
- мемлекеттік қызметтің әрекет етіп отырған кадрлық резерві ретіндегі түлектердің мәртебесін көтеруге бағытталған іс-шараларды жүзеге асыру және Қазақстан Республикасының басқару элитасын қалыптастыруға ықпал ету;
- түлектердің мамандығына, тәжірибелерімен, қабілеттеріне сай қызмет орынын таңдауына ықпал ету, түлектерді бос қызмет орындары мен кадрлік резервтерді алмастыру мәселері бойынша мемлекеттік органдар мен басқа да ұйымдарға ұсыну;
- әлеуметтік-экономикалық өмірдің (мәдениет, білім беру, денсаулық сақтау және т.б.) әр түрлі салаларда зерттеулер жүргізу, осы салаларда туындаған мәселелерді тиімді шешу үшін ұсыныстар жасау, заң шығару, атқару және сот билігіне, сондай-ақ мүдделі ұйымдар мен мекемелерге ұсыныстар жіберу;
- түлектердің іскерлі қарым-қатынасы мен тәжірибе алмасуы үшін жағдай жасау, түлектердің элитарлық клубын құру, экономикалық, заң және басқа да кеңестермен көмек көрсету орталықтарын құру, түлектер туралы мәліметтердің ақпараттық-талдау базасын құру;
- мамандандырылған, соның ішінде халықаралық конференциялар, симпозиумдар, семинарлар, «дөңгелек үстелдер», пікір-сайыстар, конкурстар мен басқа да шаралар өткізу.

 Қауымдастық басшылығы мен оның мүшелерінің күш-жігері орасан зор шығармашылық жұмысты, адамзаттық және қаржылық қорды талап ететін жоғарыда аталған міндеттерді шешуге бағытталған.